tüýkülik

Agyz boşlugynda emele gelýän suwuklyk.

∙ Kentlewüklerde tüýkülik ýerine onuň ýelim ýaly gurak şepbeşigi galypdy. («Sowet Türkmenistany» gazeti)

∙ Indi siz meni oýunjak diýip hasap edýärsiňizmi? -- diýip, agzyndan tüýküligini saçyp, öňküden hem beter gyzarylyp çişdi. (A. Durdyýew, Saýlanan eserler)

∙ Soňky tüýkülik sakgal ezmez. (Nakyl)

Ýazuw düzgüni: Soňuna çekimli ses bilen başlanýan goşulmalar ýa-da -räk goşulmasy goşulanda, k sesi g sesine öwrülýär.

Meselem tüýkülik - tüýküligi.

◊ «tüf» diýen tüýküligiň ýere gaçmazlyk — Aýdan sözüň ýerde ýatmazlyk.

∙ Seniň «tüf» diýeniňde tüýküligiňiň ýere gaçmaýan wagtyndan oba göçendir. («Sowet edebiýaty» žurnaly)